Жаҳонда медиавоситаларининг ривожи ёшларнинг ҳаёти ва соғлиги учун хавф туғдирадиган ғайриижтимоий хатти-ҳаракатлар, ҳаёт тарзимизга зид бўлган зарарли ғоялар ва мафкуравий хуружларнинг келиб чиқишига сабаб бўлмоқда. Хорижий телевидениелар орқали берилаётган кўрсатувлар, радиоэшиттиришлар, интернет манбалари, мобил алоқа, компьютер ўйинлари, видео ва кино маҳсулотларидан фойдаланувчи ўқувчи-ёшлар керакли аxборот билан бирга жамиятимизнинг аxлоқий тартиб-қоидаларига зид бўлган шафқатсизлик, зўравонлик ва миллий менталитетимизга бегона бўлган бошқа ғоялар тарғиботига ҳам дуч келмоқда. Натижада ёшлар орасида ахборот маданиятини шакллантириш ва уларнинг маънавиятини юксалтириш зарурати тобора долзарб аҳамият касб этмоқда.