Парламентлараро ҳамкорлик замонавий халқаро муносабатларнинг муҳим ва ажралмас таркибий қисми ҳисобланади. Бугунги кунда фаол ва ташаббускор парламентлараро алоқаларни йўлга қўйиш давлатнинг ташқи сиёсий ва дипломатик салоҳиятини, халқаро обрў-эътибори ва имижини юксалтириш билан бир қаторда, халқаро майдонда мамлакат миллий манфаатларни илгари суриш ва амалга ошириш, сиёсий ташаббусларни эълон қилиш ва мамлакатнинг у ёки бу масалага нисбатан позициясини ифода этишнинг муҳим омилига айланди.