Жаҳон миқёсида содир бўлаётган сиёсий ўзгаришлар ва айрим давлатларда давом этаётган ички зиддиятлар шароитида дунё тамаддунида ҳар бир минтақанинг сиёсий-маданий алоқалари ва давлатчилик тарихини ўрганиш муҳим илмий-амалий аҳамият касб этади. XXI асрда Афғонистон муаммоси халқаро миқёсда долзарб муаммога айланган бир даврда Тохаристон ва Кобул водийсида илк ўрта асрларда фаолият кўрсатган Тохаристон Ябғулари ва Кобул Тегиншоҳлари сулолалари тарихини ўрганиш ушбу минтақадаги давлатчилик тарихига илмий асосда ёндашиш муҳим эканлигини кўрсатади.