Yarımótkizgishli áspablardıń isenimliligin hám sapalılıǵın arttırıw texnologlar aldında turǵan eń baslı wazıypalardıń biri bolıp tabıladı. Yarımótkizgishli ásbaplar hám ásbaplı strukturalarǵa sırtqı aktiv tásirler arqalı olardıń parametrlerin ózgeritiw múmkin. Bul ózgerislerdi izertlew birinshiden usı ásbaplardıń sırtqı tásir nátiyjesinde parametrleriniń ózgeriw mexanizmin úyreniw, ekinshiden olardıń elektrofizikalıq parametrlerin jaqsılaw imkanin beredi.