АҚШ ва Европа журналистикаси фани бўйича ўқув курсини ўқитилишининг аҳамияти ва долзарблиги журналистика соҳасида таълим олаётган талабаларга жаҳоннинг бир қатор машҳур мамлакатларида журналистика тизимининг ҳозирги кундаги аҳволи, жамиятдаги ўрни ҳамда йирик ОАВ тўғрисида билим беришдир. Кўпинча журналистлар орасида "хорижий журналистика", "халқаро журналистика" ҳамда янада кенгроқ маънода "жаҳон урналистикаси" тушунчалари ўртасида қандай фарқ бор, деган савол туғилади. Хўш, мазкур атамалар ўртасида ҳақиқатан ҳам аниқ бир фарқловчи мазмун борми ёки аслида фақат мамлакатлар бўйича халқаро ва миллий журналистика атамаларини ишлатиш тўғри бўлармиди? Аксар ҳолларда бу тахлит саволлар ҳатто оммавий ахборот воситаларида маълум вақт ишлаган тажрибали ва фаол журналистлари томонидан ҳам берилишини кузатамиз