Жаҳон иқтисодиётининг барқарорлиги кўп жиҳатдан мулкчиликнинг акциядорлик шаклидаги хўжалик юритувчи субъектларнинг самарали фаолиятига боғлиқ. Шуниси хусусиятлики, жаҳон миқёсида акциядорлик жамиятларининг аҳамияти тобора ортиб бормоқда. Бу ҳолат, бир томондан, катта ҳажмдаги капитал мавжудлигини тақозо этувчи иқтисодиётнинг реал секторидаги йирик ташкилий тузилмалар ўз фаолиятини мулкчиликнинг акциядорлик шаклида юритишга интилишлари, бошқа томондан эса, акциядорлик жамиятларининг иқтисодиётдаги бўш молиявий ресурсларини ўзида жамлаб, уларни марказлашган тарзда бошқариш учун қулай шарт-шароитлар яратишга имкон бериши орқали изоҳланади.