Ишнинг асосий мақсади ― мактабгача таълим муассасаларида инглиз тилини ўқитишнинг дидактик хусусиятлари ва инглиз тилини болаларга ўргатиш билан боғлиқ масалаларни таҳлил қилишдан иборат. Шу билан бирга, мактабгача таълим муассасалари тарбияланувчиларига инглиз тилини ўргатишда дидактик ўйин ва ахборот-коммуникация технологияларидан фойдаланишнинг самарадорлигини оширишни назарий жиҳатдан асослаб бериш, уларнинг инглиз тилидаги луғавий бойлигини кўпайтириб, сўзлашиш кўникмаларининг шаклланганлигини экспериментал равишда синовдан ўтказиш ҳам илмий тадқиқотнинг асосий масалаларидандир.