Бугунги кунда дунёда юқори самарадор сорбентларга бўлган талаб ортиб бормоқда ва уларни олиш учун, табиий органик, ноорганик, айниқса, углеродли ресурслардан фойдаланиш мақсадга мувофиқдир. Оқава сувлардан оғир металлар ионлари, нефть маҳсулотлари ва бошқа заҳарли компонентларни ажратиб, тозалашда сорбентларнинг аҳамияти катта. Экологик жиҳатдан ҳавфсизлиги, таннархининг пастлиги, қўлланилиши қулайлиги ва кўп марталик регенерация қилиш имкониятининг мавжудлиги туфайли сорбцион материалларга қизиқиш тобора ортиб бормоқда. Шунинг учун бундай сорбентларни яратишнинг янги усул ва технологияларини ишлаб чиқиб, улар ёрдамида оқава сувларни тозалаш муҳим аҳамият касб этади.