Тасвирий санъат инсон онгига тезда таъсир этиб, унда эзгу ҳислар уйғотадиган, маънавий оламини бойитадиган санъат турларидан биридир. Шу билан бирга, тасвирий санъат инсон шахсининг шаклланиши ва камолга етишига ёрдам берадиган тарбиячи ҳамдир. Тасвирий санъат ўқув предмети ўз характерига кўра эстетик тарбиянинг асосини ташкил этувчи эстетик идрок, эстетик завқ, эстетик ҳис-туйгу, эстетик дид, эсгетик мулоҳаза, эстетик баҳолаш, эстетик ижод каби сифатларни ўстиришда катта рол ўйнайди.