Бугунги кунда археологик объектларни музейлаштириш ва маданий туризм инфраструктурасида фойдаланиш муҳим вазифалардан саналади. Далварзинтепа ҳудудида илк давлатчиликнинг шаклланиши ва ривожланиш босқичлари тарихи, маданиятини ўрганиш ва музейлаштириш долзарб масалалар қаторига киради. Бу объект фаолияти ва унинг таркибий қисмлари ўрганилган бўлсада, аммо етарли даражада ўрганилмаган, яъни тўлиқ шаклда бирлашган ҳолатда баён этилмаган. Неча асрлардан буён бу объект ўз бағрида кўплаб ноёб, нодир ва қадимий санъат асарларини сақлаб келмоқда. Бу борада қадимги Далварзинтепа фаолияти тарихини илмий асосда ўрганиб чиқиш, чуқур таҳлил этиш ва археологик объектни мавжуд ҳолатида сақлаб қолиш режасини ўрганган ҳолда музейлаштириш босқичларини ишлаб чиқиш тадқиқот ишининг муҳим