Ilim hám texnikanıń rawajlanıwı menen mektep geografiyasınıń aldına qoyılatuǵın talaplar da artıp baradı. Usı talaplardı orınlaw ushın oqıtıw formaların hám metodların qáliplestiriw lazım boladı. Bul oqıwshılar biliw iskerligin jedellestiredi, olardı pikirlewge, ilimiy izleniwge shaqıradı hám de úyrengen geografiyalıq waqıya, hádiyseler menen turmıs arasındaǵı baylanıslardı túsiniwge járdem beredi. Jańa oqıw quralların qollaw oqıwshılardıń dúnya qarasın qáliplestiriwge, shaxs sıpatında rawajlanıwına tásir kórsetedi. Oqıtıwdıń texnikalıq quralları oqıtıwshı járdeminde qoyılǵan maqsetlerge erisiwge, ótkizilgen shınıǵıwlardıń nátiyjeliligin keskin asırıwǵa imkan beredi.