Hár bir jámiettiń ruwxıy dárejesi, bilimli, talantı, qábiletli hám uqıplı insanlardı qádirlew olarǵa óz aldına ǵamxorlıq etiw, kámal tabıwı ushın jeterli sharayıtlardı támiyinlep beriwi menen belgilenedi. Ruwxıy jaqtan rawajlanǵan jámietten talant iyeleri millettiń maqtanıshı keleshegi dep qaraladı. Ózbekistan Respublikası ǵáressizlikke eriskennen keyin, hár tarawda bolǵanı siyaqlı talant iyelerine bolǵan múnásebet de ózgerdi. Hadal, ar namıslı, pák qálipli, ózine talapshań bolmastan turıp, aq nietli insan bolıwı múmkin emes. Solardıń biri, kompozitor Qudaybergen Turdıqulov. Ásirese jas óspirimlerdi ruwxıy ádep-ikramli etip tárbiyalawda ustazımız Qudaybergen aǵanıń dóretken muzıkalıq shıǵarmalarınıń tutqan ornı oǵada ullı.