Ushbu lug‘at odatdagi texnika va muhandislik grafikasi yo‘nalishlaridagi lug‘atlardan undagi deyarli barcha atama (termin)lar hammaga tushunarli bo‘lgan, xalqaro amaliyotda qabul qilingan grafik, sxema, chizma va rasmlardan tashkil topgan grafika tilida keltirilgan tushuntirishlarda berilganligi bilan farqlanadi. Texnik atamalarda, shuningdek arxitektura va qurilish chizmachiligida chet tillardan o‘zlashtirilgan so‘zlarning ko‘pligi, mavjud o‘quv adabiyotlarida bu so‘zlarning mazmunini ochib berishga kam e’tibor qaratilganligi sababli lug‘atda ular alohida bo‘limlarda, o‘zbekcha atamalarga qo‘shimcha qilib ularning mazmuni, tuzilishi va ishlatilish sohalari kabi asosiy ma’lumotlar qisqa tarzda keltirildi. Lug‘at oliy ta’lim muassasalarida muhandislik grafikasi va arxitektura fanlarini o‘rganayotgan talabalarga, yosh mutaxassislar hamda umumiy o‘rta ta’lim maktablarining chizmachilik fani o‘qituvchilariga mo‘ljallangan.