Саноат қурилмалари ва магистрал қувурларни изоляция қилиш иссиқлик исрофларини кескин камайтириб, махсулот нархини камайтиришга олиб келади. Шу билан биргаликда бино хоналарида мўътадил иқлим шароитини яратишга имкон беради. Замонавий иссиқлик изоляцион материалларни иссиқлик тармоқларида қўллаш Фарғона шаҳрининг ўзида 50-60 млн. сўм иқтисодий самара беради. Тадқиқот мақсади ИИМ хусусиятлари, қўлланиши ва изоляция қилиш технологиясини тадқиқ қилиш, ИИМ изоляциясини оптимал қалинлигини аниқлаш усулларини ишлаб чиқиш, Республика иқлим шароитини, эътиборга олган ҳолда оптимал ИИМ ни танлаш ва тавсиялар ишлаб чиқиш.