Ушбу тавсиянома Қишлоқ хўжалик машиналари ва техник сервисни ташкил этиш кафедраси катта ўқитувчиси О.Жавҳаров, кафедра ассистенти Х.Эсанов ва СамВМИ Қорамолчилик, паррандачилик ва балиқчилик кафедраси доценти Ш.Амировлар томонидан тайёрланди. Тавсиянома Андижон қишлоқ хўжалиги ва агротехнологиялар институти илмий Кенгашининг 2020 йил 30 декабрдаги 4–сонли йиғилишида тасдиқланган. Мазкур амалий тавсиянома қишлоқ хўжалигида сермаҳсул ва тез етилувчан балиқ зотларини етиштириш ҳамда балиқ ва балиқ маҳсулотлари ишлаб чиқаришни жадаллаштириш бўйича амалий тажрибалар, шунингдек, илғор фермер хўжаликлари тажрибалари асосида тайёрланган. Ушбу амалий тавсияномадан балиқчиликка ихтисослашган фермер хўжалиги ходимлари, мутаҳассислар ва шаҳсий томорқа хўжаликлари эгалари ва олий таълим муассасидаги “Балиқчилик” таълим йўналишида таълим олаётган талабалар фойдаланишлари мумкин.