Ventilyatsiya (lot. Ventilatio-shamollatish)-xonalarning havosini almashtirib turish hamda bu ishni amalga oshiradigan qurilmalar majmui xisoblanadi. Shaxtalar, sanoat korxonalari, turar joy binolari, jamoat uylari havosini yangilash uchun qoʻllaniladi. Binolarning havosi vaqt oʻtishi bilan fizik va kimyoviy jihatdan salbiy tomonga oʻzgaradi, chunki odam terisi, nafas aʼzolari orqali, uskunalarning ishlash jarayonlari tufayli va jixozlarning o’zidan tashqi muhitga chiqarayotgan issiqlik miqdori, suv bugʻlari, karbonat angidrid va qoʻlansa hidli moddalar (ter, organik moddalarning buzilish mahsulotlari va b.) ajralashi tufayli xonadagi xavo zararlanadi.