Фармакологик биокимё фани дори моддаларининг организмда метаболизмга учраши жараёнларини ўрганади. Бу борада фармакологик биокимё фани дори моддалари сифатини назоратлаш ва стандартлаш, уларни таҳлиллаш ва ишлаб чиқариш, янги самарали дори моддаларини яратиш ва улар таъсирини баҳолашда биокимёвий билимлардан фойдаланади. Шу сабабдан бу фан бошқа фармацевтик фанлар- дори технологияси, фармацевтик кимё, фармакология, токсикология билан ўзаро боғлиқ.