Таомларни сифатли ва ширин пишиши ошпазларнинг малакаси, иш жараёнини тўғри ташкиллаштиришига боғлиқдир. навбатга тушишдан олдин ошпаз олдинги навбатда турганлардан ошхона анжомларни ва буюмларни рўйхат бўйича қабул қилади. Агарда бирон-бир камомад бўлса дарҳол ошхона бошлиғига ҳабар бериши керак; ошхона анжомлари янги навбатга келган ошпазларга тоза ҳолатда, яъни ювилган ва стеллажга таҳланган холатда бўлиши шарт; асосий назорат ошхонада бўлган механик мосламалар ва музлатгичларнинг иш холати ва санитария ҳолатига берилади; таомномага асосан навбатдаги катта ошпаз озиқ-овқатларга ишлов беришни ва ошпазларга уларнинг малакасига қараб иш жараёнини тақсимлаб беради.