Сен ишкерлик түшүнүгү менен 9-класста өтүлгөн «Экономикалык билимдин негиздери» сабагынан жакшы таанышсың. Анда ишкерлик дегенде адамдардын пайда алуу максатында тобокелдиктин негизинде өзүнүн киреше, мүлк, билим жана мүмкүнчүлүктөрүн ишке салып, товар өндүрүү жана кызмат көрсөтүү ишмердүүлүгү түшүнүлөт, дейилген. Мындан көрүнүп тургандай, ишкерлик базар экономикасынын негизин түзүп, анын катышуучуларын аракетке үндөөчү иш-аракет эсептелет.