Ўйин мактабгача ёшдаги болаларни мактабгача таълим муассасаларида таълим олишларига кенг имкониятлар очиб беради. Дидактик ўйинларда билиш жараёни ўйинлар билан бевосита боғланиб кетади. Ўйин орқали, шу жумладан дидактик ўйин ўйнаш орқали бола бевосита билим олишга киришади. Мактабгача ёшдаги болаларга таълим беришда ўйинлардан фойдаланиш масалалари бўйича кўпгина педагог ва психолог олимлар илмий тадқиқотлар олиб боришган ва ҳозирги кунда ҳам илмий изланишлар олиб боришмоқда. Ўйин ўйнаш жараёнида болаларнинг тасаввурлари ва билимлари янада кенгаяди, бола онгида шаклланган тушунчалар ва тасаввурлар аниқлаштирилади.