Бугунги замон кишисида истеъмолчилик кайфиятининг устуворлигини оддий визуал кузатишлар ҳам намоён қилади. Замондошимиз моддий манфа-атларини қондиришни биринчи ўринга қўймоқда, ҳатто маънавий маданият маҳсулотларига ҳам истеъмолчи сифатида муносабатда бўлмоқда. Эътиборли жиҳати шундаки, мамлакатимизга турли йўллар билан кириб келаётган замо-навий оммавий маданият артефактлари ҳам истеъмолчиликни тарғиб ва ташвиқ қилмоқда. Шу муносабат билан истеъмолчилик кайфиятининг сабаб-лари ва оқибатлари хусусида мулоҳаза юритиш зарурияти туғилмоқда.