Qubla Aral aymagındaǵı keskinlesken ekologiyalıq faktorlar usı regonda jasawshı adamlardıń, ásirese jas óspirimlerdiń den sawlıǵın tómenletip, kesellikke qarsı gúresiw uqıbın páseytip, immunlıq sistema mexanizminiń buzılıwına alıp kelmekte. Usıǵan baylanıslı bizler joqarıda aytılǵan ekologiyalıq faktorlardıń Túslik Aral aymaǵında jasap atırǵan balalardıń morfofunkcionallıq hám fizikalıq kórsetkishlerine tásirin úyreniwdi hám izertlewdi aldımızǵa maqset etip aldıq.