Тадқиқотнинг мақсади турли ўсма штаммали ҳайвонларда янги маҳаллий ўсмага қарши колхаминол ва колхаметин препаратларининг радиосенсибилизаторлик таъсирини ўрганишдан иборат. Тадқиқотнинг вазифалари: экспериментал ўсмалар нур терапияси самарасини колхаминол ва колхаметин препаратларини қўллаш орқали оширишнинг мақбул режимларини аниқлаш (дозаси ва қабул қилиш вақти бўйича); турли ўсма штаммали ҳайвонларда бир марталик ва кўп фракцияли нурланиш режимларида колхаминол ва колхаметинни қўлланилишини ўрганиш; Уокер карциносаркомали каламушларда колхаминол ва колхаметиннинг ўсма ичига юборилгандаги радиосезувчанлик таъсирини ўрганиш; колхаметин ва колхаминолнинг нурланиш билан бирга қўлланганда ҳайвонларнинг иммун статуси ва гемопоэзига таъсирини ўрганиш; колхаминол ва колхаметиннинг митотик фаоллиги, нуклеин кислоталарнинг синтезига таъсири, I ва II топоизомеразалар фаолиятига ҳамда талоқдаги колония ҳосил қилувчи бўлинмаларга таъсири орқали радиосезувчанлик механизмини ўрганиш.