Ona vatanni sevish, ardoqlash, milliy qadriyatlarni hurmat qilish tuyg’usi – muqaddas tuyg’udir. Bu muqaddaslikning g’oyaviy-badiiy ifodasi xalq musiqa merosiga mansub xalq qo’shiqlari, dostonlari, an’ana va afsonalarda o’zining o’chmas muhrini qoldirgan. Shu bois ham ulardan ta’limiy va tarbiyaviy maqsadlarda foydalanish ta’lim mazmunini boytish, uning milliy – tarixiy negizini mustahkamlashga xizmat qiladi. Shunday ekan, bu ishni eng avvalo yosh avlod tarbiyasi uchun mas’ul mutaxassis, pedagog – o’qituvchilar tayyorlashga ixtisoslashtirilgan oliy o’quv yurtlarida tizimli yo’lga qo’yish maqsadga muvofiq bo’ladi.