Мустақил мамлакатимизнинг буюк келажагини таъминлайдиган муҳим омил сифатида таълим-тарбия, кадрлар тайёрлаш соҳасини мутлақо янги асосда ташкил этишга хизмат қилаётган “Таълим тўғрисида”ги ҳамда “Кадрлар тайёрлаш Миллий дастури тўғрисида” ги қонун ҳужжатларида инсон манфаатлари, яъни унинг ўз ижтимоий моҳиятини, ўзлигини англаши, мунтазам ривожланиб бориши , имкониятларини тўлиқ ишга солиши ва фаровон ҳаёт кечириши учун барча шарт-шароитларни яратиш устуворлик касб этади. Мунтазам давом этадиган ушбу жараёнга ҳамоханг тарзда узлуксиз таълим тизими жорий этилди, таьлим жа-раёнини янгича талаблар асосида ташкил этиш, такомиллаштириш бўйича олиб борилган жиддий изланишлар натижасида авваллари фақат аҳолининг умумий саводхонлигини таъминлаш билан чекланган таьлим мазмуни тубдан янгиланди.