Tibbiyot oliy o‘quv yurtlari talabalarining nazariy hamda amaliy ko‘nikmalarga ega bo‘lishiga katta ahamiyat beriladi. Bioanorganik va bioorganik kimyo fanidan amaliy ko‘nikmalarni o‘zlashtirish bir necha bosqichlardan iborat. Bu bosqichlarni talabalar to‘g‘ri bajarib, ularni nazariy tahlil qilishi lozim. “Biologik, bioanorganik va bioorganik kimyo” kafedrasi xodimlari tomonidan tuzilgan “Bioanorganik va bioorganik kimyo fanidan amaliy ko‘nikmalarning qadamma-qadam bajarilishi” nomli uslubiy qo‘llanma talabalarga bioanorganik va bioorganik kimyodan amaliy ko‘nikmalarni bosqichli bajarish ko‘nikmalarini o‘zlashtirish imkonini beradi.