Ботаника фани ер шарининг деярли барча нуқталарида учрайдиган ўсимликлар дунёси тўғрисидаги назарий билимлар мажмуаси бўлиб, бу билимларни эгаллаган ёш мутахассислар қишлоқ хўжалиги ишлаб чиқаришининг амалий масалалари (экинлар ҳосилдорлигини ошириш, янги навлар яратиш, маҳсулот сифатини яхшилаш ва уларни сақлаш, бегона ўтларга қарши курашиш, табиатни муҳофаза қилиш ва бошқалар)ни ижобий ҳал этишга йўналтирилган қишлоқ хўжалик фанларини осон ўзлаштирадилар ва амалиётда кенг ва тўғри қўллаш кўникмасига эга бўладилар.