Жаҳон цивилизациясининг ҳозирги босқичида инсон онг ва тафаккурининг аҳамияти беқиѐс. Айни пайтда инсон интеллекти ижтимоий жараѐнларни глобал миқѐсдаги ҳаракатлантирувчи кучга айлантирди. Зеро, дунѐдаги барча билим ва тажрибалар, сўз ва тушунчалар, тасаввур ва хулосалар инсон фаолиятига дахлдор. Интеллектуал фаолиятдаги шахсга хос фарқликларнинг прогностик қиммати, аввало, шахслилик хусусиятининг бошқарувчанлик имкониятига боғлиқ, бу янги билимларни мустақил ўзлаштира олиш, такомиллаштириш, психологик билим билан қуролланиш ҳамда уларда ўз-ўзини англаш, тўғри фикрлаш кўникма ва малакаларини шакллантиришда намоѐн бўлади.