XX асрнинг иккинчи ярмида бир қанча оламшумул тарихий воқеалар бўлиб ўтди. Шулардан бири информатика фанининг пайдо бўлишидир: биринчи рақамли ЭҲМнинг яратилиши, Н.Винер, К.Шеннон, фон Нейманларнинг фундаментал меҳнатлари эълон қилинди. Кундалик тарзда “кибернетика” илмий термини кириб келди, шундан сўнг Америка Қўшма Штатлари, Канада ва бошқа мамлакатларда кенг тарқалган илмий ва ўқув фанларини номлаш, қайта ишлаш жараёнини ўрганиш, компьютер ва телекоммуникация тизими ёрдамида ахборотларни сақлаш ва узатиш учун инглиз тилдаги термин «Computer Science» (компьютер илми) кенг тарқалди. ХХ асрнинг 60 йилларнинг охири ва 70 йилларнинг бошида француз олимлари «informatique» (информатика) иккита француз сўзидан иборат бўлган – «informatione» (информация) ва «avtomatique» (автоматика) терминини киритдилар. Янги термин собиқ СССР (кейинчалик Россия ва МҲД мамлакатлари) ва Шарқий Европа мамлакатларида тарқалди. Информатика илмий термини (тахминан 1960 йиллар ўртасида) – техник ахбороти, кутубхонашунослик ва ҳужжатшунослик билан боғланди.