Тадқиқотнинг мақсади ферроцен ва метилолмочевина, метилолтиомочевина ҳосилалари асосида янги бирикмалар синтез қилиш, уларни ичида биостимулятор хоссасига эга бўлганларини аниқлаш, янги биостимуляторлар учун кимёвий таркиби асосида ҳалқаро код рақамлари ишлаб чиқиш ва уларни амалиётга жорий этишдан иборат. Тадқиқотнинг объекти сифатида ферроцен, монометилолмочевина, диметилолтиомочевина ва уларнинг ҳосилалари олинган. Тадқиқотнинг предмети ферроцен ва метилолмочевина ҳосилалари асосида биологик фаол моддалар синтез қилиш ва уларни кимёвий таркиби асосида тегишли синфларга ажратиш ҳисобланади. Тадқиқотнинг усуллари. Диссертацияда юпқа қатламли ва колонкали хромотография, ИҚ- ва масс-спектроскопия, элемент анализи ҳамда биологик фаолликни аниқлаш усулларидан фойдаланилган.