Daraja:
Oliy o‘quv yurtidan keyingi ta‘lim
Tur:
Avtoreferat
Muallif:
Шомуротов Шавкат Абдуганиевич
Nashr etilgan yili:
2018
UDK raqami:
541.6.69:615.01
Yaratilgan vaqti:
03.09.2023
Тадқиқотнинг мақсади карбоксиметилцеллюлоза ва полигалактурон кислотасини изониазид, этамбутол ва рифампицин препаратлари билан молекуляр конструкциялаш орқали силга қарши пролонгацияланган самарали таъсир этувчи препаратлар яратишдан иборат.
Тадқиқотнинг объекти сифатида полимерланиш даражаси 530 ва 470, алмашиниш даражаси 85±3 ва 70±3 бўлган карбоксиметилцеллюлоза, цитрус пектинидан (–ОСН3 гуруҳи миқдори 65%) олинган полигалактурон кислотаси, силга қарши препаратлар: изониазид, этамбутол ва рифампицин, шунингдек, туберкулез микобактерияси штаммлари: H37Rv, «Humanis» (одам штамми) ва «Bovis» (буқа штамми) олинган.
Тадқиқотнинг предмети карбоксиметилцеллюлоза ва полигалактурон кислотасини силга қарши препаратлар - изониазид, этамбутол ва рифампицин билан кимёвий модификациялаш орқали силга қарши фаолликка эга бўлган макромолекуляр системалар синтези хусусиятларини тадқиқ этиш, уларнинг структуравий ва молекуляр тавсифларини аниқлаш, физик-кимёвий ва биологик хусусиятлари - силга қарши фаоллиги, токсикологик ҳамда фармакокинетик хусусиятларини тадқиқ этиш ҳисобланади.
Тадқиқотнинг усуллари. Тадқиқот ишида органик синтез, физик-кимёвий (УФ-, ИК-, ЯМР-спектроскопия, гель ўтказувчи хроматография, вискозиметрия, элемент таҳлил) ва фармако-токсикологик тадқиқот усулларидан фойдаланилган.