Диссертация мавзусининг долзарблиги ва зарурати. Бугунги кунда дунёда пахта етиштирувчи аксарият мамлакатларда ғўзанинг ўсув даврида V.dahliae замбуруғи билан зарарланиши кузатилмоқда. Ғўзанинг ушбу замбуруғ билан зарарланиши натижасида пахта ҳосилдорлигининг кескин камайиши ва тола сифатининг бузилишига олиб келади. V.dahliae замбуруғининг зарари натижасида АҚШда 30,5 фоиз ва Эронда 30-40 фоиз пахта ҳосили камайиши кузатилмоқда. Марказий Осиёнинг пахтачилик минтақаларида мазкур замбуруғли касаллик ҳар йили ўртача 8-10 фоиз, айнан Ўзбекистонда 10-15 фоизгача пахта ҳосилини нобуд қилмоқда.