Тарихдан маълумки, ҳозирги Ўзбекистон ҳудуди яратилган маданият дунё маданиятида ўзига хос ўрнига эга. Бу ҳудудда қадим даврларда вужудга келган давлатчилик жараёнлари кейинги тарихий тараққиётга йўл очиб берди. Ушбу тараққиёт замирида савдо муносабатлари ва улар билан боғлиқ пул муносабатлари муҳим омил саналган. Айниқса, илк ўрта асрлар даврида Ўзбекистон ҳудудидаги нарх-наво, танга зарби, пул муносабатлари масаласи фанда ўрганилиши лозим бўлган давлатчилигимизнинг ўзига хос жабҳаларидан ҳисобланади. Ўзбекистон ҳудудида жойлашган йирик воҳа ҳисобланган Суғдда илк ўрта асрларда пул муомаласи, иқтисодий аҳвол масалаларга алоқадор маълумотлардан воқиф бўлиш бу борадаги тасаввурларнинг кенгайишига асос бўлади.