Mazkur monografiya bugungi kunda anchayin dolzarb bo‘lgan xushmuomalalik kategoriyasi, uning tilshunoslikda tutgan o‘rni, xushmuomalalikning lingvomadaniy va sotsiopragmatik xususiyatlari, turli tilshunoslar tomonidan taklif etilgan xushmuomalalik strategiyalari va ularning badiiy matnda voqelanishi o‘rganilgan. Ingliz yozuvchisi Jojo Moyesning “Me before you” romani va o‘zbek adabiyoti vakili Raxshona Ahmedovaning “Soyabon ostida” qissa va hikoyalar to‘plamida qo‘llanilgan ijobiy va salbiy xushmuomalalik strategiyalarining ko‘rinishlari qahramonlar o‘rtasidagi dialoglar misolida tahlil qilingan. Monografiya zamonaviy tilshunoslik, pragmalingvistika sohasida bo‘lganligi sababli uni shu soha fanlarini tadqiq etishda nazariy asos sifatida, tahlillar asosida tilshunoslik sohasida o‘quv qo‘llanmalar yaratishda foydalanish mumkin.