Ушбу қўлланма БМТ Тараққиёт дастури лойиҳасининг Ўзбекистондаги ваколатхонаси кўмагида тайёрланди. Бугунги кунда БМТТД дунёнинг 170 дан зиёд мамлакатида иқтисодий ва демократик ислоҳотларни тезлаштириш, фуқаролик жамияти шаклланишида Ҳукуматга ёрдам бериш, самарали бошқарув йўналишида фаолият олиб бормоқда. 2014 йил 5 майда қабул қилинган “Давлат ҳокимияти ва бошқарув органлари фаолияти очиқлиги тўғрисида”ги Ўзбекистон Республикаси Қонуни мақсади давлат ҳокимияти ва бошқаруви органлари фаолиятининг очиқлиги соҳасидаги муносабатларни тартибга солишдан иборат. Сиёсий фанлар номзоди Бахтиёр Омонов томонидан тайёрланган услубий қўлланма давлат ҳокимияти раҳбарларининг халқ билан мулоқотини мустаҳкамлаш, уларнинг иш самарадорлигини ҳозирги замон даражасига кўтаришга хизмат қилади. Қўлланманинг муҳим жиҳати шуки, унда хорижий мамлакатлар ва Ўзбекистон тажрибаси қиёсий ўрганилган, назарий масалалар қонун моддалари асосида тушунтирилган. Давлат ҳокимияти ва бошқарув органлари масъул ходимларининг очиқликка оид вазифалари, ахборот очиқлиги принцип- лари, веб-сайтларни юритиш, ахборотдан фойдаланувчиларнинг сўровларига объектив жавоб тайёрлаш учун етарли билимга эга бўлиш, ахборотларни таҳлил қила билиш масалалари ёритилган.