Ushbu monografiya diffuz toksik bo‘qoq va qandli diabet hamrohligida yuzaga keladigan yiringli jarrohlik kasalliklari bilan og‘rigan bemorlarni tashxislash va davolashning zamonaviy usullariga bag‘ishlangan. Asarda endokrin kasalliklarga ega bo‘lmagan, yumshoq to‘qimalarning yiringli jarrohlik kasalliklari bilan kasallangan bemorlarni an’anaviy jarrohlik usullari yordamida davolashda kuzatilgan holatlar tahlil qilingan. Xususan, yaralarni infektsiyadan tozalash davolashning 4-kunida, granulyatsiya jarayoni 5-6-kunida, epitelizatsiya esa 7-8-kunida qayd etilgan. Ushbu jarayonlar uglevodlar, minerallar va oqsillar almashinuvining me’yoriy holati asosida sodir bo‘lgan. Shuningdek, statsionarda davolanishning o‘rtacha davomiyligi 6,5±0,6 kunni tashkil etgani aniqlangan.