Ishemik kardiomiopatiya (IKMP) zamonaviy kardiologiyaning eng dolzarb muammolaridan biri bo’lib, u yurak-qon tomir kasalliklari orasida nogironlik va o’lim ko’rsatkichlarining yuqoriligi bilan ajralib turadi (74). IKMP – bu yurak ishemik kasalligi (YIK) fonida rivojlanadigan, miokardning struktur va funksional o’zgarishlari bilan kechuvchi surunkali patologik holat bo’lib, ko’pincha yurak yetishmovchiligining og’ir shakllariga olib keladi (12). Ushbu patologiya, ayniqsa, rivojlangan va rivojlanayotgan mamlakatlarda keng tarqalgan bo’lib, global sog’liqni saqlash tizimi uchun katta iqtisodiy va ijtimoiy yukga sabab bo’lmoqda