Autoimmun kasalliklar zamonaviy tibbiyotning eng murakkab va dolzarb muammolaridan biri hisoblanadi. Ushbu kasalliklarda organizmning immun tizimi o‘z to‘qima va hujayralarini yot modda sifatida qabul qilib, ularga qarshi immun javob hosil qiladi. Natijada turli a’zo va tizimlarda surunkali yallig‘lanish jarayoni rivojlanadi, bu esa kasallikning uzoq davom etishi, asoratlar paydo bo‘lishi hamda bemorlar hayot sifatining pasayishiga olib keladi.