Аннотация: Мазкур мақолада сунъий интеллект (СИ) технологияларининг замонавий жамият ҳаётига жадал кириб бориши натижасида юзага келаётган тизимли хавф- хатарлар ва уларни ҳуқуқий тартибга солиш масалалари таҳлил қилинади. Муаллиф СИнинг “галлюцинацияси”, алгоритмик адолатсизлик, киберхавфсизликка таҳдидлар, шахсга доир маълумотлар дахлсизлиги ва ижтимоий-психологик қарамлик каби 14 та асосий хавф омилини асослаб берган. Мақолада Ўзбекистон Республикасининг амалдаги қонунчилик базаси ва СИ соҳасидаги ислоҳотлар танқидий кўриб чиқилиб, соҳани такомиллаштириш учун “Сунъий интеллект тўғрисида”ги алоҳида қонунни қабул қилиш ҳамда ахборот ресурсларини чеклашнинг ҳуқуқий механизмларини яратиш бўйича илмий- амалий таклифлар илгари сурилган. Калит сўзлар: сунъий интеллект, киберхавфсизлик, ҳуқуқий тартибга солиш, алгоритмик адолатсизлик, Deepfake, шахсга доир маълумотлар, ахборот хавфсизлиги, рақамли этика.