Ушбу мақолада 9 ойлик бола аутопсиясида ўпкада аниқланган гигант мезенхимал гамартоманинг клиник-морфологик ва гистологик маълумотлари келтирилган. Микроскопик текширувлар натижаси кўрсатишича, ушбу мезенхимал гамартома асосан бириктирувчи тўқима тутамларидан ва улар орасида жойлашган қон ва лимфа томирлар, ҳамда бетартиб жойлашган ўпка тўқимасидан иборатлиги аниқланди. Ушбу мезенхимал гамартома ҳақидаги клиник-морфологик маълумотлар ўпканинг йирик ўчоқли ўсмасини жарроҳлик амалиётида олиб ташлаш мумкинлигини тасдиқлайди.