Avtoreferatda O‘zbekistonda o‘zgarishlar sharoitida keksalarning ijtimoiy faolligi sotsiogerontologik jihatdan tahlil qilingan. Keksalarning bandligi, jamiyat va oila hayotidagi ishtiroki, mustaqil va sog‘lom turmush kechirishi, ijtimoiy faolligiga ta’sir etuvchi institutsional omillar o‘rganilgan. Faol keksayish ko‘rsatkichlarini milliy sharoitga moslashtirish, keksalarning ijtimoiy faolligini oshirish hamda tegishli tashkilotlar faoliyatini muvofiqlashtirish bo‘yicha ilmiy-amaliy taklif va tavsiyalar ishlab chiqilgan.