Jadidchilik milliy harakati xalqimiz tarixida o‘ziga xos o‘ringa ega. Uning yirik namoyandalari xalqni qoloqlikdan olib chiqishning yagona yo‘li ilm-ma’rifat ekanligini anglab yetishadi va ko‘p qarama-qarshiliklarga qaramasdan, ma’rifiy targ‘ibot ishlarini yakdillik bilan olib borishadi. Jumladan, Samarqandda birinchilardan bo‘lib usuli jadid maktabini ochgan, o‘qitish tizimlariga yangiliklar olib kirgan jadid, atoqli pedagog Abduqodir Shakuriydir.