Мақолада Хоразм достонлари лексикасида учрайдиган лакуналарнинг ўзига хос хусусиятлари, уларнинг семантик ва услубий вазифалари таҳлил қилинади. Достонлардаги тарихий сўзлар, шевага хос бирликлар, этнографик атамалар ҳамда миллий-маданий тушунчаларнинг ифода имкониятлари ёритилади. Шунингдек, лакуналарнинг бадиий матнда образ яратиш, миллий колоритни сақлаш ва қаҳрамонлар нутқини индивидуаллаштиришдаги ўрни очиб берилади. Уларнинг бошқа тилларга таржима қилишда юзага келадиган муаммолари ҳам кўриб чиқилади.