Мазкур монография давлат ва жамият бошқарувида давлат хизматчиларининг бошқарув фаолияти ва ижтимоий-сиёсий муносабатлари билан боғлиқ бўлган маънавий-ахлоқий қиёфасини шакллантириб бориш ва бу соҳада юзага келиши мумкин бўлган муаммолар ечимини ўрганишга ва таҳлил этишга бағишланади. Мазкур тадқиқотда бугун тобора глобаллашиб бораётган ҳар томонлама рақобатбардош ўта зиддиятли замонда давлат ва жамият бошқарувини тўғри ташкил этиш билан боғлиқ бўлган муаммоларни ҳар томонлама мукаммал ва самарали ташкил этиш ҳар қачонгидан ҳам долзарб вазифага айланиб қолмоқда. Мазкур вазифалар ечимини топиш ва амалиётга тадбиқ этишга қаратилган илмий таҳлиллар сиёсат ва ахлоқ фалсафаси нуқтаи назаридан талқин этилган. Ушбу тадқиқот натижаларидан давлат хизматчилари, сиёсий партия раҳбарлари, давлат бошқаруви йўналишида изланишлар олиб бораётган тадқиқотчилар ва кенг китобхонлар оммаси фойдаланиши мумкин.