“O‘zbek tili omonimlari lug‘ati”da o‘zbek tilidagi leksik omonim, frazemalar, frazema va so‘z birikmasi, tasviriy ifodalar omonimligi, affiksal omonimlar ham qamrab olingan. Lug‘atda jami 3927ta birlik: jumladan, 3265ta leksema, 286ta frazema, 24ta tasviriy ifoda, 115ta so‘z birikmasi, 237ta affiks izohlangan. Leksik omonimlar qatori 1323ta, frazeologik omonimlar qatori 78ta, tasviriy ifodalar omonimik qatori 7ta, frazema va so‘z birikmasi omonimligi 115ta, affiksal omonimik qator 87tani tashkil qiladi. Umumiy hisobda 1610ta omonimik qator keltirilgan. Lug‘at tadqiqotchilar, izlanuvchilar, doktorantlar, magistrantlar hamda talabalarga mo‘ljallangan bo‘lib, undan o‘quv lug‘atlari yaratishda va tadqiqotlar olib borishda foydalanish mumkin.