Ushbu qo‘llanma umumta’lim maktablarining boshlang‘ich sinf yo‘nalishi talabalari va o‘qituvchilari uchun yordamchi manba sifatida yaratildi. Qo‘llanmada o‘qituvchilarning dars jarayonida badiiy matnlarni o‘qitish orqali o‘quvchilarda vatanparvarlik tuyg‘usini shakllantirish, ularning ma’naviy-axloqiy tarbiyasini rivojlantirish, o‘qish savodxonligini oshirish hamda matnni anglash, tahlil qilish va mustaqil fikrlash ko‘nikmalarini hosil qilishda ko‘maklashuvchi metodik tavsiyalar yoritilgan. Shuningdek, qo‘llanmada boshlang‘ich sinf o‘quvchilarining yosh xususiyatlariga mos holda tanlangan badiiy asarlar asosida Vatanga muhabbat, milliy g‘urur, sadoqat va fuqarolik mas’uliyatini shakllantirishga xizmat qiluvchi, tajribada sinovdan o‘tgan interfaol usullar, mashqlar va amaliy ishlanmalar haqida batafsil ma’lumot berilgan.