А. АНОРБОЕВ. Шахсга доир маълумотлар ҳуқуқи: янги даврда шахсга доир маълумотлар ҳимояси. Монография. – Тошкент: “Dimal” нашриёти, 2026 й., – 212 б. Масъул муҳаррир: ю.ф.д., профессор А. Расулев Тақризчилар: ю.ф.д., профессор Б. Исмаилов, ю.ф.д. Б. Мўминов, ю.ф.д., доц. С. Нурумбетова ЎУК | 344414 ORCID | https://orcid.org/0009-0003-5355-8753 Publons | QPB-1888-2026 SSRN: | 12260788 Index Copernicus | 48623 РИНЦ | 3827-4098 DOI | 10.5281/zenodo.21374052 GOOGLE академия | https://scholar.google.com/citations?user=KIJpct8AAAAJ&hl=ru ZiyoNet | https://profile.ziyonet.uz/uzc DergiPark | https://dergipark.org.tr/tr/pub/@amiriddin-anorboyev Academia | https://independent.academia.edu/AnorboyevAmiriddin/Network?tab=suggested Scopus | https://www.scopus.com/pages/home Clarivate Analytics | https://apps.clarivate.com/account?app=endnote&tab=personal КиберЛенинка | https://cyberleninka.ru/me OpenAIRE | https://www.openaire.eu/f/269/create-new-article GitHub | https://github.com/explore Webofscience | QPB-1888-2026 Мазкур фундаментал монография рақамли трансформация ва сунъий интеллект, машинавий таълим, нейротармоқлар ва децентраллашган тизимлар жадал ривожланаётган янги даврда шахсга доир маълумотлар ҳуқуқининг институционал ва норматив-ҳуқуқий асосларини комплекс тадқиқ этади. Монографияда шахсга доир маълумотлар тушунчасига технологик бетарафлик принципи асосида янгича доктринал таъриф берилган бўлиб, “ишлов бериш” институтининг ахборот пайдо бўлишидан то унинг тўлиқ деструкциясигача бўлган динамик ҳаёт цикли батафсил ёритилган. Тадқиқотда Ягона интерактив давлат хизматлари портали ва Электрон ҳукумат тизимларида шахсга доир маълумотларга ишлов бериш тартиб-таомиллари, субъектлар ҳамда операторларнинг ҳуқуқий мақоми таҳлил қилинган. Шунингдек, кибермаконда содир этилаётган ахборот соҳасидаги ҳуқуқбузарликлар, хусусан, фишинг, ижтимоий муҳандислик ва рухсатсиз кириш воситасида шахсга доир маълумотларни ноқонуний эгаллаш ҳолатларини юридик-техник квалификация қилишдаги коллизиялар ҳамда жиноят-ҳуқуқий муҳофаза бўшлиқларини бартараф этиш моделлари илгари сурилган. Шу билан бирга, муаллиф томонидан фанга мутлақо янги – “Кибералогия” методологияси интеграция қилиниб, ахборот суверенитети, алгоритмик муҳитларда ахборот дахлсизлигини таъминлаш ва кибертаҳдидлардан ҳимоя қилишнинг инновацион ҳуқуқий кафолатлари ишлаб чиқилган. Ушбу асар қонун ижодкорлари, давлат ва ҳуқуқни муҳофаза қилувчи органлар вакиллари, судьялар, ахборот ҳуқуқи ва киберхавфсизлик соҳасидаги тадқиқотчилар, докторантлар ва олий таълим муассасалари талабалари учун амалий-стратегик манба бўлиб хизмат қилади. Ушбу монография Ўзбекистон Республикаси Президенти ҳузуридаги Қонунчилик ва ҳуқуқий сиёсат институти кенгаши тавсиясига асосан чоп этилган.