Mazkur avtoreferat Ubaydullayeva Xolida Manopovnaning 10.00.01 – O‘zbek tili ixtisosligi bo‘yicha filologiya fanlari falsafa doktori (PhD) ilmiy darajasini olish uchun tayyorlangan “Yuridik diskursda subyektning lisoniy maqomi (o‘zbek tili materiallari asosida)” mavzusidagi dissertatsiyasiga bag‘ishlangan. Tadqiqotda o‘zbek tilidagi yuridik diskursda subyektning lisoniy maqomi, institutsional xususiyatlari, uni ifodalovchi leksik-grammatik vositalar hamda kommunikativ-pragmatik strategiyalar tahlil qilingan. Dissertatsiya Navoiy davlat universitetida bajarilgan.