Mazkur avtoreferat Axtamova Bibisora Akram qizining 10.00.01 – O‘zbek tili ixtisosligi bo‘yicha filologiya fanlari falsafa doktori (PhD) ilmiy darajasini olish uchun tayyorlangan “Sadriddin Ayniy asarlarining sotsiopragmatik xususiyatlari” mavzusidagi dissertatsiyasiga bag‘ishlangan. Tadqiqotda Sadriddin Ayniyning “Qullar”, “Doxunda”, “Odina” va “Sudxo‘rning o‘limi” asarlaridagi kommunikantlar nutqining sotsiopragmatik xususiyatlari, ijtimoiy mavqe, yosh, jins, millat va kasb-kor bilan bog‘liq lisoniy birliklar, dialektizmlar, vulgarizmlar, maqol va frazemalarning kommunikativ-pragmatik vazifalari tahlil qilingan. Dissertatsiya Navoiy davlat universitetida bajarilgan.