Инсоният яратган маънавий бойликлар орасида фалсафа илмида тўпланган хикматлар хазинаси, атоқли алломалар мероси, уларнинг асарлари, ғоя ва таълимотлари муҳим ўрин тутади. Мамлакатимизда Янги Ўзбекистон барпо этилаётган бугунги кунда барча фанлар қатори, фалсафий билимларни эгаллаш, унинг қонун ва категорияларини билиб олиш юртимизда амалга оширилаётган тараққиёт стратегиясининг мақсад-вазифаларини англаш, ислоҳотчиларнинг янги ва ёш авлодини тарбиялашнинг муҳим омилидир. Ўзбекистон Республикаси Олий таълим, фан ва инновациялар вазирлиги томонидан 2023 йил 8 августда тасдиқланган Ўқув дастури асосида тайёрланган мазкур дарсликда фалсафанинг умумназарий масалалари, унинг мантиқ, этика ва эстетикага доир йўналишлари, жамият, инсон, қадриятлар фалсафаси ва коррупцияга қарши кураш асослари бўйича умумий маълумотлар, ушбу соҳадаги қонунлар ва категориялар, асосий тушунчалар ва тамойиллар ҳақидаги билимлар мухтасар тарзда баён қилинган. Дарслик Қ.Назаров, М.Нурматова, А.Шеров, Д.Файзихўжаева, Г.Нишонбоева, А.Равшанов, К.Қдырбаевлардан иборат муаллифлар жамоаси томонидан тайёрланган. Фалсафа асослари бўйича турли манбалар асосида ёзилган ушбу дарслик олий таълим муассасаларида билим олаётган талабаларга мўлжалланган.